السلام عليكم
الوقت من أهم الاشياء في حياتنا اليومية، فعشان كدا حابة اقلكم على بعض الحاجات اللي تساعد على تنظيم اليوم والوقت خاصةً وقت الدراسة.
أنا من الناس اللي أحب أجهز لكل شي يخص الدراسة في أول أسبوع دراسي ، احب ادخل في المود بعدين أبدا
والحمدلله هذا الترم اخر ترم ليا في الجامعه دعواتكم، فعشان كدا أتحمست أكتب تدوينة عن دا الشي و يلا نبدأ
أول وأحلى حاجة
لوحة الإلهام | Inspiration Board
من الحاجات الجميلة اللي من زمان كنت أفكر أجيبها، وفكرتها حلوة ومو محصورة بس لوقت الدراسة.
حسيتها فعلًا مفيدة وتساعد على اشياء كثيير زي
تدوين ملاحظات
تواريخ مهمة
مهام وأفكار
أهداف وامنيات
عبارات تحفيزية
عبارات تحفيزية
وبالإضافة احط فيها البلانر الشهري
ثاني حاجة
الأجندة | Agenda
دفاتر مقسمة بطريقة تنظم كل يوم من حياتك، تصميمها جدًا جميل.
تختصر الوقت بشكل كبير بحيث تكتبي كل شي بشكل ارتب.
تختصر الوقت بشكل كبير بحيث تكتبي كل شي بشكل ارتب.
فكرتها نفس فكرة البلانر اللي انا سويته بس الفرق انه اللي سويته مخصص لكل شهر بينما الأجندة تُتيح أشياء ثانية وتقسيمها في المهام أوسع بس مشكلتها نادرًا الاقي فيها تقويم هجري وميلادي سوا
ثالث حاجة
دفتر الملاحظات | Notes
من أهم الاشياء عندي!
ما استغني عنها بالذات اللي حجمها صغير تقريبًا بحجم كف اليد وما تاخد مساحة بحيث تشيليها معاكي في كل مكان و تدوني كل شي مهم عشان ماتنسي .
ما استغني عنها بالذات اللي حجمها صغير تقريبًا بحجم كف اليد وما تاخد مساحة بحيث تشيليها معاكي في كل مكان و تدوني كل شي مهم عشان ماتنسي .
هذه بعض الاشياء الاساسية اللي تساعد كثير على التنظيم وتختصر الوقت.
وأخيرًا زي ما وعدتكم!
البلانر الشهري اللي سويته♥
شهر اكتوبر2016 -نوفمبر2016 - ديسمبر2016 -يناير 2017
يعني تقريبًا الترم الدراسي الأول، والأحلى اني خليتها بالتاريخ الميلادي والهجري
بحيث يكون عملي أكثر ، وحرصت انه يكون لكل يوم مساحة صغيرة لتدوين أي ملاحظة.
اول ماتفتحي اللينك اضغطي على Download اللي بالأخضر وبس
ان شاء الله تكونو حبيتو التدوينة وعجبكم البلانر ولاتنسو تشاركوه صحباتكم واتمنالكم سنة دراسية موفقة وناجحة.
.
Instagram : @Mlbeauty1
Snapchat : MeaadBeauty
Email : Meaad.beauty@gmail.com
فعلا دفتر الملاحظات مهم وينظم وقتك :*
ReplyDeleteحبيت البلانر الشهري من اول ادور .. ربي يسعدك