مشترياتي من ايهيرب + طريقة الطلب مع كود تخفيض | iherb hauls

ايهيرب من اكثر المواقع اللي لازم كل بعد فترة أطلب منه ومااتردد ابدًا في هذا الشي 

 * موقع موثوق وآمن 

* سريع في التوصيل 4-5 ايام 

* يحتاج فيزا فقط وما يحتاج بريد امريكي

* التوصيل على شركة DHL 

* منتجاته متنوعة وأغلبها عضوية 

تدوينة اليوم حتكون عن آخر طلبية طلبتها.

وصلتني خلال 4 ايام، غالبًا تتصل شركة الشحن أول ماتوصل عندهم ويسألوكِ اذا حابة توصيل للبيت او تستلميها من الفرع.

طيب يلا نبدأ
هذي هيا المنتجات وحنتعرف على كل منتج

اخدت الصابون الافريقي ، تقدرو تطلبوه من هنا

من زمان ابغى اطلبه ودايمًا مخلص! 

 ريحته حلوه ومتحمسه له كثيير 

زيت الافوكادو ،  هنا 

قرأت انه مفيد للشعر ويوقف التساقط حجربه واشوف

زيت الجوجوبا هنا وزيت اللوز الحلو  هنا

كلها ثاني مره اطلبها! 

زيت الجوجوبا مره حلو للشعر وتقدري تستخدميه سيروم، كتبت عنه ريفيو كامل في الانستقرام

زيت اللوز الحلو جمممميل لترطيب الجسم خاصه بعد الشاور مايدبق وتمتصه البشره بسرعه

لوشن جسم بالشيا مع البابونج والارقان، هنا 

هوا للأطفال بس مايمنع انه نجربه

شفت عنه مدح كثيير واتحمست اجربه 

زيت شجرة الشاي ، هنا

له استخدامات كثيييره منها للبشرة ويعالج الحبوب
وكمان قرأت انه بديل للي ينباع في THE BODY SHOP

 وآخر شي! زبدة الفول السوداني مع دارك شوكلت، من هنا

جربتها اول ماوصلتني مافي نقطة صبررر 

طعمها لذيذ مره والأهم انها صحية مافيها كلسترول ولا زيوت مهدرجة 

طيب نجي لطريقة الطلب ومافي أسهل منها
 1) تدخلو ع الموقع  iherb

زي مو شايفين تصنيفات الموقع كثييرة ومتنوعة بس قبل هذا كله لازم تسجلي في الموقع
فوق عاليسار من عند ( حسابي )
وحيجيكِ كدا، حطي ايميلك والباسوورد اللي تبغيه 

بعدها تقدري تتسوقي براحتك وتضيفي اللي حابته للسلة، حتلاقي خانة لكود التخفيض لما تضغطي على سلة التسوق

حطي الكود فيها  (  GQK677  )
أو إضغطي هنا حيتفعل معاكِ الكود على طول  

عملت بوكس للحاجات اللي مهم تعرفيها زي شركة الشحن الأفضل تختاري DHL أسرع وتضمني ماتضيع الشحنة
وسعر الشحن يكون حسب الوزن

هنا مجموع طلباتك وبالنسبة لـ Loyalty Credit
فكرتها يدوكِ مكافآه مع كل طلب تطلبيه وكل مازادت الطلبات زادت المكافأه بس يمديكِ تستخدميها لما تطلبي للمره اللي بعدها 
بعد كدا إضغطي تابع للدفع، تحطي عنوانك اسم المدينة والحي والشارع أو شي معروف جنبك 
والرمز البريدي تقدري تطلعيه من قوقل اذا مو عارفته ورقم جوالك جدا مهم
واضغطي متابعة

  حيجيكِ وسيلة الدفع 

تحطي الاسم ع الفيزا وكل شي مطلوب

رمز الحماية اللي يكون خلف البطاقة مكوّن من 3 ارقام  

ولاتنسي تحطي علامة صح (معناها انه عنوان الدفع نفس عنوان الشحن)

وتضغطي التالي!

وبكدا إنتي طلبتي من ايهيرب حيجيكِ رسالة ع الايميل بالاشياء اللي طلبتيها

وبعدها حيرسلولك رقم التتبع للشحنة ولما توصل الفرع حيتواصلو معاك على رقم الجوال

ان شاءالله تكونو استفدتو اشوفكم قريب

.

Instagram : @Mlbeauty1

Snapchat : MeaadBeauty

Email : Meaad.beauty@gmail.com