مكياج متكامل بأقل الأسعار | Drugstore Makeup

كيفكم بنات

بما انه عندنا منتجات أسعارها في متناول الجميع حبيت تكون هذه التدوينة عن منتجات الدرق ستور فقط، بحيث يكون عندك مكياج متكامل ومن أفضل الاشياء ومناسب لميزانية البعض .

أول شي ضروري تعرفي نوع بشرتك لانه على اساسها حتحددي الاشياء اللي تناسبك او لا

1. أختيار البرايمر المناسب لو بشرتك دهنية تاخدي Mattifying زي لوريال  

لو جافة يكون مكتوب Hydration 

ولو حابة شي يخفي المسامات عندك انواع كويسة زي ميبلين 

2. اختيار الفاونديشن، في كلمات تساعدك عشان تعرفي المناسب لبشرتك 

البشرة الجافة :

   Dewy finish - Hydration - Luminous - dry skin - Moisturizing

ومن أشهرها

والبشرة الدهنية غالبا مكتوب : 

  -Oil skin - Matte Finish - Oil Control- Oil Free 

ومن أشهرها 

والبشرة المختلطة تقدر تستخدم اللي مناسبة للجافة 
بس تثبت منطقة التي زون ب لوس باودر (بودرة حرة) أو تحط برايمر mattifying عشان ماتدهن وتقدر كمان تستخدم اللي مناسبة للدهنية بشرط الترطيب قبل، وعموما لازم الترطيب لكل البشرات .

3. الكونسيلر : الافضل أغمق منك بدرجتين لو عندك هالات، من ميبلين ومن برجوا 

4. اللوس باودر: لتثبيت الكونسيلر وكمان للمناطق اللي تدهن، في عندك من نكس و ايسنس

5. المسكرة : في كثير أنواع ممتازة من إيسنس وميبلين وريميل 

خذي اللي حابه لو تطويل او تكثيف او الاثنين سوا 

6. الايلاينر : في سائل من ريميل وجل من ميبلين حلو وسهل للمبتدئات

7. البلشر (أحمر الخدود) : نكس وريميل حلوين 

8. مثبت المكياج: أتوقع دي أهم خطوة عشان تحافظي ع مكياجك

تختاريه حسب اللوك اللي تبغيه او حسب بشرتك، الدهنية تاخدي Matte وبقية البشرات Dewy

9. الارواج : أحلى شي بالنسبالي لوريال وريميل وميبلين الوانها حلوه وتشبه كثيير الهاي اند .

هذه الأساسيات وبالنسبة للمنتجات كلها عليها مدح كثيررر وأغلبها جربتها، أتمنى تكون عجبتكم التدوينة والأهم تستفيدو.